WILLEMSTAD -- Maske tin 7 filial na Kòrsou, KFC Saliña ta keda un di e gran faboritonan; definitivamente un di e restorantnan mas frekuentá den área di Saliña.
Di akuerdo ku Randy Maurera, KFC Saliña ta na turno pa risibí su ‘facelift’ i ta sigur ku klientenan lo keda enkantá unabes e remodelashon keda kompletá. Sra. De Lanooi, enkargá ku Development & Design ta mira e trayekto di remodelashon di KFC na Saliña ku hopi optimismo i ta premirá ku lo keda klá den e tempu skematisá.
Entrante 9 di Mei próksimo, KFC Saliña lo sera porta pa 2 luna. E trayekto di remodelashon di KFC Saliña lo mester keda kompletá na Yüli 2016. Pronto e restorant lo ta mas amplio, ku un komedor mas grandi i lo tin un otro esfera. Ademas di esaki, e fachada di e restorant lo konta ku un diseño moderno i di akuerdo ku e arkitektura mundial di e frankisia. E kompania di konstrukshon LB Constructie lo ta esnan enkargá ku e remodelashon magno aki, ku lo bai resultá den un KFC mas grandi i ‘trendy’ pa di e forma ei akapará e gran kantidat di kliente ku ta bishitá e restorant na Saliña diariamente. “Pa awòki nos ke invitá nos klientenan di KFC Saliña pa bishitá nos restorant na Sta. Rosa òf Brievengat ku ta esnan mas serka. KFC tin 7 filial na Kòrsou, pues awòki ku Saliña ta den remodelashon tin 6 otro filial stratégikamente ubiká.
Bishitá esun di mas serka dibo. For di awòki nos ke gradisí nos klientenan pa nan pasenshi. ”
News Category:
Language:
Tag:
