EAGLE BEACH -- E agenda pa un Reunion General di Cuartal pa asociadonan di La Cabana Beach Resort & Casino cu a tuma luga recientemente tabata uno druk, yena cu informacion nobo y plannan di accion como tambe un revelacion di sorpresa di Gerente General Joe Najjar, kende a anuncia e cambio pa un siman di trabou di cinco dia na 2017.
E anuncio a wordo ricibi cu hopi aplauso y grito, unda cu Najjar un miho calidad di bida y miho beneficionan na caminda pa su ekipo balente y dedica.
E sala di conference na e resort a disfruta di un gran cantidad di hende presente, y emcee Aichel Lynch a hiba esnan presente door di e puntonan riba e agenda. E prome punto riba e agenda tabata e lansamento di un promocion titula 100 Dia di Reto di Hospitalidad, cual ta disenja pa inspira gerencia y empleadonan cu ideanan fresco y nan implementacion inmediato.
Asociadonan a wordo encurasha pa bin cu sugerencianan, pa cual nan por gana premionan, cu e adopcion di nan ideanan, durante e lunanan di Juli, Augustus y September. E Departamento di F&B tabata e prome pa wordo reconoce pa e hecho cu nan a bin cu un sistema di premiacion interno pa cualkier trabou bon haci. Miembronan di e departamento di F&B Vincente Guerrero y Jandor Lampe a ricibi un ronda di aplauso y premionan balioso pa nan creatividad.
E meta di e promocionnan, segun splicacion di Najjar y Lynch, ta pa hisa e resort su scorenan di satisfaccion di huespet di Medallia durante e siguiente 100 dianan, y asina tambe mehora e experiencia general di e huespetnan na e resort y e experiencia general di e asociadonan.
E Reunion General cu ta tuma luga tur cuartal tambe a informa asociadonan tocante e ultimo resultadonan financiero y e ultimo desaroyonan pa loke ta trata Recursonan Humano, como tambe logronan operacional.
E encuentro positivo a wordo conclui cu un rifa dibertido.
Aki por mira un Reunion General memorable di Asociado, na La Cabana Beach Resort & Casino.