WILLEMSTAD (PAIS) -- Partido PAIS ta kontentu ku a yega na un solushon pa ku e problema di un ‘claim’ mionario ku tabata pisa un tonelada na garganta di DOK.
Trankilidat a regresá e empresa i tambe esaki ta e kaso bou di e trahadónan. Awor aki e kaminda ta liber di estorbo pa buska un partner stratégiko pa DOK pa asina engrandesé e empresa ki.
Partido PAIS ta felisitá minister Stanley Palm ku e tremendo logro aki. Minister Palm i su ekipo a traha inkansablemente pa resolvé e problema di ‘claim’ ku pa 7 aña largu a stroba tur tipo di desaroyo.
Durante un rekorido na DOK di Alex Rosaria, lider polítiko di PAIS, tur trahadó di DOK a ekspresá nan satisfakshon ku e solushon ku a keda konkretisá. Tur ta kombensí ku awor ku e peso finansiero a kita, ku tin tur posibilidat pa bai dilanti. Manera un trahadó a trese dilanti: “e shete añanan di baka flaku a pasa i awor ta bai pa 7 aña di baka gordo”.
PAIS ta di opinion ku mester uni forsa pa DOK bira fuerte i duna mas yu di tera trabou.