EAGLE BEACH -- Un celebracion casual cu a tuma luga recientemente den e cafetaria di asociado a marca e resort su di 25 aniversario, cu bolo y fruit punch.
La Cabana Beach Resort & Casino a tene un concierto publico na augustus pa conmemora e ocasion, pero a celebra esaki atrobe cu un lunch festivo e siman aki.
Manehando un resort di 449 camber definitivamente ta un tarea diario y den transcurso di e añanan La Cabana a enfrenta retonan chikito y grandi di varios forma, for di financiero pa legal, di maneho y organisatorio. Sinembargo, e resort semper a percura pa tene su hendenan como e enfoke principal. E curason di e resort ta bati pa su asociadonan y huespetnan, y gerencia semper tabata di e opinion cu si bo trata bo asociadonan bon, na nan turno nan lo trata e huespetnan na e mesun manera, y hasta miho ainda.
Cu mas di 60% di asociadonan disfrutando di mas di 15 aña di servicio, y otronan celebrando nan di 25 aniversario cu e resort, La Cabana ta bendiciona cu un base di asociado solido y fiel, como tambe miembronan local y internacional.
Premia den transcurso di e añanan cu varios premio di Shoco, premio di Interval International Premier status, un premio di Hall of Fame di Trip Advisor y e Premio Platinum di EarthCheck, La Cabana actualmente ta wordo evalua halto riba e lista di di top 10 time share resort regional.
Cu balornan manera CUIDO, LEALTAD, APRECIO y PASION, e bienestar y desaroyo di e asociadonan y huespetnan ta wordo manteni como un preocupacion principal, mientras cu e resort ta sigui ofrece servicio excepcional den sosten di e isla su economia di turismo.
Orguyoso di su di 25 aniversario como un resort local stabil y independiente cu hendenan increibel, gerencia y empleadonan ta gradici e hendenan di Aruba pa nan tantisimo contribucionnan na e aniversario di plata.
News Category:
Language:
Tag:
