WILLEMSTAD -- E di 4 edishon di CIBC FirstCaribbean Walk for the Cure a proba ku e ta un evento duradero riba e kalènder di aktividatnan pa generá fondo pa e lucha kontra kanser den nos komunidat.
Djasabra último, un grupo hopi animá a subi kayanan di Punda i Pietermaai komo parti di e CIBC FirstCaribbean Walk for the Cure 2015. E esfuerso regional di CIBC FirstCaribbean pa kontribuí aktivamente den e lucha kontra di kanser no únikamente ta kresiendo den e kantidat di partisipantenan pero tambe den e e forma ku strukturalmente e ta kontribuí den halsa e konsenshi tokante di e malesa aki den nos komunidat. Tur loke a keda generá ku e edishon di e aña aki di kaminata na Kòrsou lo keda entregá na Princess Wilhelmina Fonds.
E e kaminata a start na e lugá di stashoná outo di CIBC FristCaribbean na De Ruyterkade # 61 i a finalisá na e mes un sitio. E públiko, bon inspirá despues di un seshon di Zumba riba e lugá di stashoná di e banko, a subi kaya pa kubri e ruta dor di nos kapital Willemstad, miéntras nan a gosa di un tremendo bahada di solo. Meskos ku aña pasa tabatin un espasio pa e muchanan hunga den bouncers i hasi weganan. Tur partisipante a risibí un tas ku vários regalo.
E kaminata di e aña aki a atraé un grupo di patrosinadó korporativo i kontribuidó bou di kua Always, A Special Day, Brosaun, Brigada di Seguridat, Amigoe, Curaçao Marriott Beach Resort & Emerald Casino, Curoil, Dasani, Early Generator Rent & Services, Ennia, Ensure, Go Weekly, Jingle Planet, LBH Group, NuCapital, One Media Group, Radio Direct, Radio Dolfijn FM, Tampax i tambe patrosinadònan regional esta Massy United i Tata Consultancy Services.
Walk for the Cure ta ser organisá den 17 pais den Karibe kaminda CIBC FirstCaribbean ta brinda su servisionan. E banko ta partisipá den esaki meskos ku su kompania madre CIBC, ku ta kumpli 19 aña ta sostené Canadian Breast Cancer Foundation su Run for the Cure.
Maske ainda mester konta e montante total ku e aktividatnan organisá na Kòrsou a generá en total, e ta basta kla kaba ku e loke a keda generá e aña aki a surpasá loke a keda generá aña pasa. Ta spera e mes un desaroyo positivo aki den henter region di Karibe.
"Nos ke gradisí tur esnan ku a partisipá den e kaminata aki i otro aktividatnan ku nos a hasi den kuadro di Walk for the Cure 2015. Un danki speshal ta bai na nos patrosinadó i kontribuidónan lokal i regional. Kanser ta un prekupashon di nos tur i kualke un di nos of nos konosínan por keda afektá pe kualke momentu. Personanan ku kanser mester di tur sosten ku nan por baña. Nos ta kontentu ku e aña aki atrobe nos por kontribuí di un forma signifikativo na e trabou balioso ku ta keda realisá pa Princess Wilhelmina Fonds" Lysaira Ortela, Marketing Manager di CIBC FirstCaribbean na Kòrsou a bisa.
About CIBC FirstCaribbean
CIBC FirstCaribbean is the largest, regionally-listed bank in the English and Dutch speaking Caribbean serving over 500,000 accounts in 17 markets, through 3,400 staff, across 100 branches and offices.
The bank offers a full range of market-leading financial services in: Corporate and Investment Banking, Treasury Sales and Trading, Retail Banking, Wealth Management, Small Business and Credit Cards.
CIBC FirstCaribbean is a member of the CIBC Group. CIBC (TSX, NYSE: CM) is a leading North American financial institution serving clients in Canada and around the world. Through three distinct business lines, Retail and Business Banking, Wealth Management and Wholesale Banking, CIBC provides a full range of products and services to almost 11 million individual, small business and commercial banking clients and meets the financial needs of corporate and institutional clients. CIBC is rated A+/Stable/A-1 by Standard & Poor's.
For more information about CIBC FirstCaribbean, visit www.cibcfcib.com.
News Category:
Language:
