WILLEMSTAD -- Angela Roe lo tene un presentashon djarason 11 di novèmber 7 'or di anochi na Landhuis Bloemhof tokante su investigashon di tabú di kolo di hende.
E presentashon akí ta kai den kuadro di nos ekposishon Tabú ku na e momentu aki por mira na Landhuis Bloemhof. Entrada ta liber.
Antropólogo Roe huntu ku produktor Selwyn de Windt i kamarógrafo Hester Jonkhout a traha e dokumental 'Sombra di Koló' pa kua nan a gana e 'Boeli van Leeuwenprijs 2015'. E dokumental ta resultado di un búskeda tokante e impakto ku rasa i koló di kueru tin den e tempu akí na Kòrsou. Roe lo papia tokante su dokumental durante e presentashon aki i kiko ta nifiká pa e mes kibra un tabú.
Tambe lo diskutí e anochi akí tokante e diferente tabúnan representá den e eksposishon TABOO 2 ku kreashonnan di mas di 20 artista i ku nan interpretashon. Kuratòr di bishita Duncan Campbell lo ta anfitrion i moderadó.
Por bishitá TABOO 2 te ku 26 di november ku trabounan di: Ailsa Anastatia, Annemieke Dicke, Anna Oltheten, André Nagtegaal , Babette de Waele, Carlos Blaaker & Neeltje Timmers , Duncan Campbell, Ellen Spijkstra, Giovani Zanolino, Herman van Bergen, Lies Bruens, Martie Genger, Marjon Wegman, Michèle Russel - Capriles, Monique van Doorn, Maghalie George, Philip A. Rademaker, Rien te Hennepe, Ria Houwen, Rose Ann Ignacio, Susan Rudolf, Sinuhe Oomen, Tanya Haynes & Omar Maduro i Wigberto Lopez.
Pa mas informashon por tuma kontakto ku Landhuis Bloemhof, Santa Rosaweg 6 (pegá ku Tap Maar In), 737-5775, info@bloemhof.cwòf www.bloemhof.cw. Like nos riba Facebook.