ORANJESTAD (COA) -- E expectativanan ta grandi pa loke ta e Weganan Olimpico 2016 cu pa prome biaha den historia di e weganan lo wordo celebra den e continente Sur Americano.
Desde cu e ciudad di Rio de Janeiro, Brasil a ser eligi seis aña atras pa organisa e Weganan Olimpico aki, nan a traha for di e prome dia cu alma y cuerpo pa brinda mundo henter un espectaculo nunca bisto.
Awo un aña prome cu e weganan, e diferente acomodacionnan deportivo ta kedando cla, mientras cu ta trahando duro riba loke falta pa realisa ainda. E Villa Olimpico cu lo acomoda e miles di atletanan ta den su fase final. Mas cu claro tin varios trabou pa haci ainda pero e ciudad ta trahando dia y anochi pa caba esakinan.
E siman aki ta uno importante, mirando cu e lidernan di delegacion di tur e 206 Comite Olimpico Nacional participante lo ta na Rio pa e seminario di Chef de Mission, durante cua lo comparti informacion importante cu nan tin mester pa nan por prepara di e mihor forma posibel durante e aña cu falta pa e Weganan. Comite Olimpico Arubano lo ta representa na e seminario pa Patrick Werleman, Chef de Mission pa e Weganan Olimpico di Rio 2016.
News Category:
Language:
Tag:
