SANTA CRUZ (MEP) -- Trafico a keda pega henter henter dia den Santa Cruz cu e dos actividadnan mas grandi riba Aruba: na crusada na Santa Cruz y na Cede di MEP.
Desde oranan di mainta, pa atardi miles y miles di persona a acudi na e celebracion, cu tabata tin baile tipico masha masha bunita di Gucci Dancers, Rosea Cultural,Kids-2-kids, Danza Aruba, NLT & NGT y Candy Dancers, cu a hala hopi atencion, especialmente pa e trahenan colorido y hopi bunita.
Tabata tin presentacion di e ganadora di festival Canto na nos Himno y Bandera Jaydienne Croes.
E bandanan cu a presenta ta Zeta Band, Mistical Connection, Rincon Boys, Tsunami y Buleria, y mester remarca cu pa final di e anochi no tabata tin lugar pa pone mas hende riba e caminda dilanti di Cede di MEP.
E Expo-Betico Croes tambe a haya bishita di miles di persona, cu a keda masha impresiona. Hopi tabata felis di mira un potret di nan sernan queri den e Expo. Otronan por a lesa y mira e historia real di e lucha di Betico. Su acordeon y helm original, cu a scapa di e accidente cruel, tambe tabata na e Expo.
Pa e muchanan tabata tin un kids corner pa nan entretene nan mes, y tambe un game-room cu airco, den cual nan por a hunga varios wega y pasa oranan agradabel.
Personanan cu nunca a yega na Cede di MEP, a yega pa prome biaha y a gusta e ambiente, y a haya cu e lugar ta netji y agradabel. Hopi hoben tambe tabata presente y a gusta e vibe.
Naturalmente hopi hende a bin tambe pa expresa nan desgusto cu e gobierno actual y ta pidi pa e cambio. Tur hende por a celebra y gosa di e dia grandi aki.
MEP sigur por ta orguyoso di e actividad mas grandi riba 18 di maart di Aruba y a sa di brinda un tremendo celebracion di dia di Himno y Bandera. Pabien MEP!