ORANJESTAD (MEP) -- Na Cede di MEP a keda inaugura riba Dia di Himno y Bandera un bunita expocicion cu ta brinda informacion riba nos Himno, nos Bandera, nos Escudo, nos Moneda y tambe ta brinda informacion riba nos Status Aparte cu a keda realisa pa Betico Croes dia 1 di juanari 1986.
Miles di persona a bishita e expocicion y a keda contento di por a mira tur e potretnan cu ta conta e historia di nos Pais. Hopi a bin cu nan famia pa asina mustra specialmente e hobennan con e tempo ey Betico Croes a uni nos Pueblo pa asina logra locual hopi no tabata kere cu tabata posibel, esta yega na un Status Aparte y bira un Pais den Reino Hulandes. Hunto cu esaki Betico Croes a percura tambe pa nos Pueblo por tabata tin e simbolonan cu ta distingui nos como un Pais, manera ta nos propio Himno y propio Bandera. E expocicion ta rico na informacion y ta bale la pena pa bishita e expocicion aki pa asina siña nos yuinan e historia di nos Pais.
News Category:
Language:
