PARADERA (MEP) -- Manera a bira un custumber, lider di MEP Evelyn Wever-Croes a percura pa un bunita celebracion pa nos grandinan na Stichting Thuiszorg Yaburibari.
A regala tur e grandinan t-shirt cu a wordo diseña especialmente pa e ocasion aki, di 40 aña Himno y Bandera, 30 aña Status Aparte y e diseñador, y realisador di ambos, sr. Betico Croes den felis memoria.
Tur e grandinan a bisti e t-shirt pa e celebracion. Tambe a percura pa bolo cu diseño di bandera di Aruba, y tambe un caha di orgel pa deleita nan.
Tabata un mainta hopi ameno. "Nos grandinan merece nos atencion, pasobra danki na nan awe nos tin un dushi pais pa nos biba hunto cu nos yiunan y nan yiunan. Y nos mester mustra nos grandinan e gratitud ey. Hunto cu mi amiga Sandra Croes nos ta hasi tur lo posibel pa alegra nan dia, y especialmente pa celebra dia di nos Himno y nos Bandera", lider di MEP a duna di conoce.