EAGLE BEACH -- E Tropicana Casino su evento mas popular, esta e Campionato Anual di Slot Star, ta bek pa e di cinco anja consecutivo.
E torneo final exclusivo di slot na Atlantic City ta atrae hungadornan for di tur propiedad di Tropicana, tur rond di mundo.
Na honor di e promocion benidero aki, e Tropicana Casino ta sacando e tapijt cora pa su top hungadornan di Trop Advantage riba diabierna 10 di Juni 2016 y diasabra 11 di Juni 2016, pa un fin di siman yena cu actividad, unda cu e di 5 Torneo Anual di Slot Star Challenge lo tuma luga.
“E torneo aki a bira un faborito entre nos clientenan y el a proba di ta un manera dibertido pa introduci e casino na Atlantic City na miembronan di Trop Advantage na tur ohco di nos propiedadnan di Tropicana Entertainment,” segun Eric Fiocco, VP di Mercadeo Corporativo pa Tropicana Entertainment.
E Tropicana Aruba Resort & Casino lo tene un reto cualificatorio di Slot Star Point durante e periodo di 1 di april y 19 di mei, 2016. E ganador di e torneo di punto y un ganador di sorteo di wild card lo wordo premia cu un viahe cu tur gasto paga pa Tropicana Atlantic City, unda nan lo participa den e Torneo di Slot Star di $250,000 na juni.
Riba diahuebs 19 di Mei, ganadornan lo wordo anuncia durante un sorteo tumando luga cada ora di 8pm pa 11pm pa gana premionan, y e gran premio lo wordo saca pa 11pm. Carchinan di sorteo ta wordo acumula cu cada 25 punto basico ricibi.
Tres shen y cincuenta miembro di Trop Advantage for di tur e propiedadnan di Tropicana Entertainment, kendenan a competi pa nan luga na e propiedad, lo bini hunto na e cadena su propiedad principal na Atlantic City pa tres anochi, pa asina bataya contra otro pa e gran premio di $100,000 y $25,000 pa e di dos luga. Propiedadnan participante ta inclui Tropicana Atlantic City, Tropicana Evansville (Indiana), Belle of Baton Rouge (Louisiana), Trop Greenville (Mississippi), Mont Bleu (Nevada), Tropicana Laughlin (Nevada), Tropicana Aruba, y su propiedad mas nobo Lumière Place (Missouri).
No perde e oportunidad aki pa gana, HOPI, wak pa bo ta inclui.
Pa e celebracion benidero di Anja di Rey, riba diaranson 27 di April, un torneo di slot festivo di Anja di Rey lo wordo teni na e casino, cu $2,000 na premio. E dos (2) top cualificadornan di e sesionnan di torneo di slot riba 6, 13 y 20 di april, y e ganador di e sesion riba diaranson 27 di april, lo competi pa e Final di torneo di Slot di Anja di Rey cu un suma total di premionan di $2,000 na cash y credito di slot.
News Category:
Language:
Tag:
