ORANJESTAD -- Na Aruba actualmente ta tumando lugar e di shete Green Conference Aruba den Marriott Hotel.
Maestro di ceremonia ta manera custumber Dr. Edward Cheung, kende manera semper ta haci un excelente trabou. Prome cu Prome Minister Eman a cuminsa su discurso, e hunto cu su sobrino, e conocido coredo di auto di careda Trevor Eman di Team Aruba, a subi escenario pa duna un demostracion y splicacion di un jeep bieu cu tabata di famia Eman pa añanan caba. E jeep - of parti di dje - tabata den e sala dilanti y asina Trevor hunto su su tio Prome Minister Eman a splica den detaye kico tur a cambia riba e vehiculo y kico ta nan intencion cu ne. Banda di tin hopi balor emocional pa e famia, e jeep a bira awor un proyecto 'berde' riba cual Trevor ta traha hunto cu otronan, entre nan Prome Minister mes y su otro tio Andre Loonstra pa pone e jeep den otro y pa despues core riba coriente. Asina e jeep ta haya un otro bida. Despues di un bida turbulente, e jeep a bira un 'renewable item'. Otro aña e jeep ta full cla y lo tey bek durante e siguiente Green Aruba pa esnan cu kier y desea di haya un careitje den dje.