ORANJESTAD -- Cu e meta pa promove e futbol femenino na Aruba, e federacion di futbol Arubano, AVB, lo organisa diadomingo awor dia 20 di November, e prome AVB Women's Expo.
Algun luna atras Arubaanse Voetbalbond a inicia cu un campana pa engrandese e futbol femenino na Aruba. Riba e dia aki tur mucha muher y nan mayornan por bishita e Expo na Renaissance Convention Center unda e diferente organisacionnan di futbol, cu tin ekiponan femenino, lo ta presente pa asina duna informacion na tur interesado. Mas cu claro por inscirbi mesora y bira miembro cerca e ekipo cu mas cay na gusto y/of ta cerca den e bario unda e mucha ta biba.
Den e ultimo añanan e federacion mundial di FIFA a cuminsa promove e futbol femenino rond mundo mirando cu esaki a bira masha popular bou di e ser femenino, principalmente den e edad mas hoben esta infantil. Na Aruba mes tin varios ekipo cu tin ekiponan femenino cu tur siman ta hunga den e campeonato organisa pa AVB. Desde e decada nan ochenta, e futbol femenino ta masha popular riba nos isla y esaki nunca a stop di existi. Mirando e promocion di AVB pa mas mucha muher practica e deporte aki, Lotto, e loteria di Aruba ta uni su mes den contribui na e meta aki pa asina mas mucha muher bishita e Women’s EXPO di futbol diadomingo awor 20 di november den Renaissance Convention Center for di 10:30am pa 6:00pm.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.