ORANJESTAD -- Un presentacion sumamente bon ricibi durante e evento di TEDX Aruba cu a tuma luga recientemente tabata e presentacion di Roel Rijsewijk di Deloitte Hulanda, enfrentando e coneccion entre sostenebilidad y profitabilidad.
Roel a describi un futuro hyper-conecta na su public, cu un fluho liber di informacion y tecnologianan cu ta desaroyando exponencialmente, un era unda e velocidad di cambio ta increibel, y e futuro no ta sigur, cu ambientalistanan pronosticando un scarsedad di cuminda y awa, y advertiendo nos pa salvaguardia nos recursonan.
Y ta precisamente pa e motibo aki cu, segun e specialista di Deloitte, sostenebilidad ta asina serca conecta cu profitabilidad, ya cu e ta di e opinion cu e uso sabi di tecnologia lo resulta den un abundancia, unda nos ta laga bai nos miedo, y ta stimula pa un meta conmovedor, atrayendo pioneronan talentoso kendenan, aunke si nan comete erornan, ta recubri na un nivel halto, ta sinja for di e pasado y ta inova pa crea rikesa berdaderamente sostenible. Segun van Rijsewijk nos por salba nos planeta y na e mesun momento sigui gana placa!
Roel van Rijsewijk ta encabesa Deloitte su practica di Cyber Risk Services na Hulanda. Cu mas di 12 anja di experiencia den conseho di riesgo, E ta traha pa negoshinan empodera pa tecnologia riba e tereno di maneho di riesgo, cumplimento, integridad y responsabilidad corporativo, y e ta encabesa un di Deloitte su programanan principal di inovacion tocante confiansa den un mundo digital.