Decoracionnan Di Fin Di Aña Riba Rotonde Di Dakota Ta Inaugura Diabierna Awo

ORANJESTAD -- E aña aki Rotonde Tarabana/Cumana a wordo adopta dor di e Quick Holding.

For di algun siman caba un team di boluntario y trahadornan di Quick Holding a traha pa duna e rotonde un bunita imagen pa celebracionnan di fin di aña cu sosten di Bo Bario.

Diabierna awo 18 november, ta asina leu cu boluntario y trahadornan di Quick Holding ta cla cu e trabounan.

For di 6.30 pm tin entretenimento musical di Gaita di fin di aña y snacks pa celebra e gran apertura di Rotonde Tarabana.

Especialmente e bario di Dakota, pero tambe comunidad en general ta wordo invita pa celebra e dia aki.